ЁЗГИ ТАЪТИЛДА БОЛАЛАР – СПОРТ БИЛАН ҲАМНАФАС
Ёзги таътилни барча болалар орзиқиб кутишади. Боиси йил давомида ўқиб-изланиб тиним билмаган йигит-қизлар уч ой давомида маданий ҳордиқ чиқариб, янги ўқув йили учун тайёргарлик кўришади.
Болажонларнинг бўш вақтларини мазмунли ўтказиш учун эса оромгоҳлар айни муддао. Маданий, маърифий тадбирлар, соғломлаштириш машғулотлари давомида ёш авлод вакиллари ҳар томонлама тобланадилар.
Жорий йилнинг 16 июнь куни Фарғона вилоят Риштон тумани "Автомобилчилар" оромгоҳида дам олаётган ёшлар ўртасида спортнинг мини футбол тури бўйича мусобақа ташкил этилди.
Мусобақада 14-15 ёшдаги ўғил болалардан тузилган жамоалар ўртасида қизғин баҳслар кечиб, якунда фахрли I, II, III ўринларни эгаллаган жамоаларга Миллий гвардия раҳбарияти томонидан эсдалик совғалари топширилди.
Шунингдек, Миллий гвардия Фарғона минтақавий ўқув маркази ходимлари, Қўриқлаш бошқармаси ҳамда Миллий гвардия "Динамо" ЖТСЖ кенгаши билан ҳамкорликда ёшларни ватанпарварлик рухида тарбиялаш, ватанга бўлган дахлдорлики ҳиссини янада кучайтириш, ёшлар ўртасида спортни кенг тарғиб қилиш, уларни спортга қизиқтириш, бўш вақтларини мазмунли ташкиллаштириш мақсадида ёзги оромгоҳда спорт тўгаракларининг доимий фаолияти йўлга қуйилган.
