Ёзги таътил вақтида ёшларимизни бўш вақтларини мазмунли ўтишини ташкиллаштириш мақсадида, Миллий гвардия минтақавий ўқув марказларида маҳаллий ёшлар билан “Ҳарбий ватанпарварлик” оромгоҳлари фаолияти йўлга қўйилди.
Ёзги таътил вақтида ёшларимизни бўш вақтларини мазмунли ўтишини ташкиллаштириш мақсадида, Миллий гвардия қўмондонлиги ташаббуси билан, Қорақалпоғистон Республикаси, Фарғона ва Жиззах вилоятларида фаолият юритиб келаётган Миллий гвардия Минтақавий ўқув марказларида ҳудудлардаги профилактик ҳисобда турувчи маҳаллий ёшлар жалб қилинган ҳолда “Ҳарбий ватанпарварлик” оромгоҳлари ташкил қилинди.
Мазкур оромгоҳларда белгиланган кун тартиби асосида ёшлар учун барча шароитлар яратилган бўлиб, От спорти, камондан отиш, функционал кўпкураш спорт турлари билан мураббийлар бошчилигида шуғулланишлари, шунингдек гуруҳлар ўртасида футбол, волейбол, шахмат-шашка ва армрестлинг каби спорт ўйинлари бўйича мусобақалар ташкил қилинган.
Ёшларимизнинг ахборот майдонидаги турли хил маълумотлардан тўғри фойдалана олишлари, хабар олиш ва тарқатишдаги ҳуқуқий билимларини ошириш мақсадида ўқув машғулотлар йўлга қўйилган. Айниқса ёшларни ватанпарварлик руҳида тарбиялашга қаратилган кинофильмлар намойиши ҳамда уларнинг биргаликда гулхан атрофида ватанпарварлик руҳидаги қўшиқларни жўр бўлиб куйлашлари ўқув йиғиндан кўзланган мақсад учун муҳим аҳамият касб этади
