Жиноятчиликни олдини олиш ҳамда ҳуқуқбузарликлар профилактикаси бўйича давра суҳбати ўтказилди.
Миллий гвардия Наманган вилояти бўйича бошқармасида Миллий гвардия қўмондони ўринбосари полковник С.Мамаюсупов ҳамда шахсий таркиб иштирокида "Қўриқлаш" соҳасида сўнгги вақтларда амалга оширилган ишлар таҳлили, жиноятчиликни олдини олиш ҳамда ҳуқуқбузарликлар профилактикаси бўйича давра суҳбати ўтказилди.
Тадбир давомида масъул раҳбарлар томонидан бугунги кунда кенг тарқалган ҳуқуқбузарликлар ҳақида тўхталиб ўтилди ва барча огоҳликка чақирилди. Шу билан бир қаторда, ҳарбий хизматчи ва ходимларнинг маънавий оламини юксалтириш, уларда юксак анъаналарга ҳурмат туйғусини шакллантириш, ҳуқуқий саводхонлиги, билим ва кўникмаларни янада ошириш кераклиги бўйича тавсиялар берилди.
Ўтказилаётган бу каби давра суҳбатлари чин маънода тадбир иштирокчиларига турли зарарли иллатларнинг олдини олиш борасида кўплаб маълумотларга эга бўлишлари ҳамда хизмат фаолиятларини янада самарали олиб боришлари учун кенг замин яратмоқда.
