Миллий гвардия аёл ҳарбий хизматчилари учун "стресснинг олдини олиш" мавзусида тренинг ташкил этилди
Миллий гвардия Марказий девонида аёл ҳарбий хизматчи ва ишчи хизматчилар учун замонавий аёлга учун долзарб бўлган мавзу: стресс ва чарчоқни қандай енгиш ва уларнинг салбий оқибатларини олдини олиш бўйича психологик тренинг ташкил этилди.
Тренингни Миллий гвардияни психологик қўллаб қувватлаш марказининг бош психолог-социологи малакали мутахассис Ширин Қурбонова олиб борди.
Тренинг иштирокчиларига психологияда стресс нимани англатишини ва нима учун тўпланган чарчоқ соғлиқ учун хавф туғдириши мумкинлиги ҳақида маълумот берилди. Мутахассис уйқу муаммолари, бефарқлик ва мотивацияни йўқотиш, умидсизлик ва ёлғизлик ҳисси, бошқалар билан мулоқот қилишда қийинчилик каби аломатларга эътибор беришни тавсия қилди.
Шундан сўнг, психолог мутахассис жамоадаги муносабатларни яхшилашга қаратилган тестлар ва гуруҳ машғулотларини ўтказиб, стрессни мустақил равишда ечиш ва эмоционал ҳолатни яхшилаш усулларини намойиш этди.
Тренинг якунида иштирокчилар ташкилотчилар ва психологга аёллар ўзлари учун зарур ва фойдали деб тан олган машғулотларни ташкил этгани учун миннатдорчилик билдиришди.
