ЭЪЛОН
Ўзбекистон Республикаси Президенти Ш.M.Мирзиёевнинг 2020-йил 20-май куни Адиблар хиёбонига ташрифи давомида белгиланган вазифалар ижросини таъминлаш мақсадида, Жамоат хавфсизлиги университети томонидан тизимли илмий тадқиқотлар олиб борилмоқда. Хусусан, университетга бириктирилган Заҳириддин Муҳаммад Бобурнинг ҳаёти, давлатчилик фаолияти ва юксак ҳарбий маҳоратини чуқур ўрганиш ҳамда кенг тарғиб этиш устувор вазифа этиб белгиланган. Шу муносабат билан, соҳадаги илмий изланишларни умумлаштириш ва халқаро тажриба алмашиш мақсадида “Заҳириддин Муҳаммад Бобур ва бобурийлар даври ҳарбий санъати стратегияси” мавзусида халқаро илмий-амалий конференция ўтказилиши режалаштирилган. Ушбу анжуман Бобурийлар даври ҳарбий стратегиясини замонавий ҳарбий илм-фан контекстида таҳлил қилиш ва ёшларнинг маънавий-ватанпарварлик тарбиясини кучайтиришга хизмат қилади.
Конференция Жамоат хавфсизлиги университети “Ижтимоий-гуманитар фанлар” кафедраси томонидан бир қатор хорижий таълим муассасалари билан ҳамкорликда 2026-йил 13-февраль куни соат 15:00 да ONLINE ва OFFLINE форматда бўлиб ўтади.
Конференциянинг мақсади – Заҳириддин Муҳаммад Бобур ва Бобурийлар даври ҳарбий санъати, стратегия ва тактика масалаларини илмий жиҳатдан ўрганиш, мазкур давр ҳарбий меросининг жаҳон ҳарбий тарихи ва давлатчилик тараққиётида тутган ўрнини очиб бериш, тарихий манбалар асосида илмий хулосалар ишлаб чиқиш ҳамда ушбу илмий меросни замонавий ҳарбий-таълим, илмий-тадқиқот ва маънавий-маърифий жараёнларга татбиқ этишдан иборат.
Халқаро илмий анжуманда қуйидаги шўбалар фаолият олиб боради ва мақолалар қабул қилинади:
1. Заҳириддин Муҳаммад Бобур ва бобурийларнинг ҳарбий-сиёсий фаолияти.
2. Бобурнинг ҳарбий саркардалик фаолияти, тактика ва жанг санъатининг халқаро доирада ўрганилиши.
3. Бобурийлар давлатчилигида ҳарбий соҳанинг ўрни.
4. Бобур ва бобурийлар ҳарбий мероси ва унинг замонавий илмий талқини.
Конференция материалларини расмийлаштириш тартиби:
- тақдим этилаётган илмий мақола А-4 форматда, матни MS WORD таҳририда Times New Roman шрифтида 14 ўлчамда терилади, 3-7 бетгача бўлган ҳажмда (бетлар тўлиқ бўлиши лозим), 1,0 интервал оралиқда, қоғознинг четларидан 2,0 см ҳошиялар қолдирилган ҳолда тайёрланади, бетларга рақам қўйилмайди;
- биринчи қаторда мақоланинг номи саҳифанинг ўртасида бош ва қалин ҳарфларда, иккинчи қаторда муаллифнинг исми-шарифи ва иш жойи кўрсатилади, 3-қатордан матн ёзилади. Асосий матн. Асосий матн. Асосий матн [1, адабиётнинг қайси бетидан олинганлиги, масалан: 11-б.]. Асосий матн.
- мақолалар ўзбек, рус ёки инглиз тилларидан бирида таҳрир қилинган ҳолда қоғоз ва электрон шаклда ташкилий қўмитага 2026 йил 5 февраль кунига қадар жўнатилиши зарур.
Анжуман таҳририяти талабига жавоб берадиган илмий мақола ва тезисларни бепул чоп этиш режалаштирилган. Муаллифларга тўпламнинг электрон шакли (Пдф) тарқатилади.
Манзил: 100109, Тошкент вил., Зангиота тумани, Чорсу қўрғони 100 уй.
Ташкилий қўмита: Жамоат хавфсизлиги университети “Ижтимоий-гуманитар фанлар” кафедраси
Электрон манзил: alfraganus@bk.ru.
Мурожаат учун телефонлар: +99899 6507436 (telegram); +99893 592 42 00.
Конференциянинг онлайн иштирок этиш манзили: https://us06web.zoom.us/j/4871983452?pwd=7Q5Fmn57G6m5PUrfHVSm2kjrnw74hx.1&omn=81670512890
Конференция индикатори: 487 198 3452
Кириш коди: 788026
