БЕЛAРУСЬ РЕСПУБЛИКAСИ ИИВ БИЛAН ҲАМКОРЛИК АЛОҚАЛАРИ МУСТAҲКAМЛAНМОҚДА
Сўнги йилларда Ўзбекистон ва Беларусь ўртасидаги икки томонлама муносабатлар мутлақо янги сифат босқичига кўтарилди.
Барча соҳаларда бўлгани каби ҳарбий ва ҳуқуқни муҳофаза қилиш соҳаларида ҳам ҳамкорлик жадал ривожланмоқда.
Беларусь томонининг таклифига биноан Ўзбекистон Республикаси Миллий гвардияси қўмондони генерал-майор Р.Джураев бошчилигидаги делегация аъзолари Минск шаҳрига ташриф буюришди.
Учрашув давомида ҳар икки томон раҳбарлари хавфсизлик ва кадрлар тайёрлаш соҳасидаги ўзаро ҳамкорликни йўлга қўйиш ва ривожлантириш муҳимлигини алоҳида таъкидлаб ўтдилар.
Учрашув якунида жамоат хавфсизлигини таъминлаш ҳамда ҳарбий кадрлар тайёрлаш соҳасидаги ўзаро тажриба алмашиш борасидаги амалий чора-тадбирларни 2022-йилда амалга оширилиши кўзда тутилган ҳамкорлик режаси имзоланди.
Шунингдек, ташриф доирасида Ўзбекистон Республикаси Жамоат хавфсизлиги университети ва “Беларусь Республикаси Ҳарбий академияси” таълим муассасасининг Ички қўшинлар факультети ўртасида ўзаро англашув меморандуми имзоланди.
Ташриф дастурига мувофиқ делегация аъзолари, Беларусь Республикаси ИИВ ички қўшинларининг фаолияти, жамоат хавфсизлиги ва ҳуқуқ-тартиботи, шунингдек, жанговар хизмат ҳамда моддий-техник базасини таъминлаш бўлинмалари фаолияти билан танишдилар.
