Навоий вилоятида Миллий гвардия ходимлари томонидан сертификатга эга бўлмаган пиротехника воситалари аниқланди
Куни кеча, 3 декабрь куни соат тахминан 20.00да Навоий шаҳар “Гулзор” савдо комплекси ҳудудида “Қўриқлаш” бўлими ходимлари томонидан хатти-ҳаракатлари шубҳали кўринган фуқаро тўхтатилиб, кўздан кечирилди. Текширув натижасида фуқарога тегишли бўлган қора полиэтилен халтачада сертификатланмаган “7 SHOTS” пиротехника воситаси борлиги аниқланди. Умумий миқдори 10 блокдан 7 та ўрам бўлган мазкур пиротехника маҳсулотининг қиймати 2 500 000 сўм эканлиги маълум бўлди. Хатирчи туманида яшовчи 38 ёшли И.К. га нисбатан Ўзбекистон Республикаси Маъмурий жавобгарлик тўғрисидаги Кодексининг 185-1 моддаси (Пиротехника буюмларининг қонунга хилоф муомаласи) бўйича ҳуқуқбузарлик баённомаси расмийлаштирилди.
