HARBIY KADRLAR TAYYORLASH SOHASIDA KOREYA RESPUBLIKASI BILAN HAMKORLIK
Milliy gvardiya Harbiy-texnik institutida ilg‘or xorijiy tajribani o‘rganish hamda kadrlar tayyorlash sohasiga tatbiq etish borasida ko‘plab amaliy uchrashuvlar amalga oshirib kelinmoqda. Shu jumladan, O‘zbekiston Respublikasi Milliy gvardiyasi Xalqaro hamkorlik boshqarmasi tomonidan ikki tomonlama hamkorlikni rivojlantirish maqsadida joriy yilning 17 fevral kuni Koreya Respublikasining O‘zbekiston Respublikasidagi Elchixonasi huzuridagi harbiy attashesi, polkovnik Pak An So va Konsul – politsiya attashesi podpolkovnik Kim Mun Chjelarning Milliy gvardiya Harbiy-texnik institutiga tashrifi tashkil etildi. Tashrif mobaynida Koreya delegatsiyasi vakillari Institut rahbariyati, o‘qituvchilari va kursantlari bilan uchrashib, harbiy taʼlim muassasasining faoliyati va infratuzilmasi xususan, Axborot-resurs markazi, kutubxona, mashg‘ulot xonalari, Innovatsion rivojlanish va axborot-kommunikatsiya texnologiyalarini tatbiq etish markazi, shuningdek, kursantlarga yaratilgan shart-sharoitlar bilan yaqindan tanishdilar. Shuningdek, polkovnik Pak An So va politsiya podpolkovnigi Kim Mun Chje Institutning professor-o‘qituvchilar tarkibi va kursantlari uchun Koreya Respublikasi Qurolli Kuchlari va Koreya milliy politsiya agentligining tarixi, faoliyati, tuzilmasi, vazifa va majburiyatlari to‘g‘risida taqdimot o‘tkazdi. Bo‘lib o‘tgan uchrashuv yakunida tomonlar harbiy taʼlim sohasida o‘zaro tajriba almashish, harbiy kadrlarni tayyorlash va qayta tayyorlash, ilmiy-tadqiqot faoliyati bo‘yicha hamkorlikni o‘rnatish va rivojlantirish, jumladan, Milliy gvardiya Harbiy-texnik instituti va Janubiy Koreya politsiyasi universitetlari hamda oliy harbiy taʼlim muassasalari o‘rtasida o‘zaro hamkorlik bitimini tuzish masalalarini ishlab chiqishga kelishib, har tomonlama hamkorlikka tayyor ekanliklarini bildirdilar. Shu bilan birga, do‘stona ruhda kechgan tashrif mobaynida xorijiy mehmonlar uchun faxriy qorovul hamda qo‘l jangi bo‘yicha ko‘rgazmali chiqishlar namoyish etildi.
XORIJIY HAMKORLIKNI RIVOJLANTIRISH YO‘LIDA
O‘zbekiston Respublikasi Milliy gvardiyasi Xalqaro hamkorlik boshqarmasi tomonidan xorijiy sheriklar bilan ikki tomonlama hamkorlik aloqalarini yana-da mustahkamlash borasida ko‘plab tadbirlar amalga oshirilib kelinmoqda. Jumladan, 2021 yilning 27 yanvar kuni O‘zbekiston Respublikasi Milliy gvardiyasi Qo‘riqlash Bosh boshqarmasi va Belarus Respublikasi Ichki ishlar vazirligi Qo‘riqlash departamenti o‘rtasida 2021-2022 yillarga mo‘ljallangan hamkorlik to‘g‘risida bayonnoma imzolandi. Mazkur tadbir butun dunyoda kuzatilayotgan koronavirus pandemiyasi tufayli onlayn shaklda amalga oshirildi. Belarus Respublikasi Ichki ishlar vazirligi Qo‘riqlash departamenti boshlig‘i militsiya polkovnigi A. Shepelev Milliy gvardiya Qo‘riqlash Bosh boshqarmasi bilan hamkorlik qilishdan o‘z mamnuniyatini bildirib, kelgusida mamlakatlarimiz ravnaqi uchun birgalikdagi
KORRUPSIYAGA QARSHI KURASHDA XORIJIY TAJRIBANI O‘RGANISH
Bugungi kunda mamlakatimizda korrupsiyaning oldini olish, unga qarshi keskin kurash olib borish bo‘yicha keng ko‘lamli ishlar amalga oshirilmoqda. Davlat organlari zimmasidagi vazifa va funksiyalarni bajarishda yuzaga keladigan korrupsiyaga oid xavf-xatarlarni baholash tizimini yana-da takomillashtirish maqsadida, joriy yilning 26-27 yanvar kunlari Milliy gvardiya Xalqaro hamkorlik boshqarmasi tomonidan O‘zbekiston Respublikasi Korrupsiyaga qarshi kurashish agentligi bilan hamkorlikda Buyuk Britaniyalik mutaxassislar shuningdek Qozog‘iston, Qirg‘iziston, Tojikiston va Turkmaniston huquqni muhofaza qilish idoralari vakillari ishtirokida “Katta rahbarlar darajasida yaxlitlikni o‘rnatish” onlayn mintaqaviy kursi tashkil etildi. Tadbirda rahbarlar darajasidagi bir guruh Milliy gvardiya harbiy xizmatchilari ishtirok etishdi. Mazkur kursda mudofaa va xavfsizlik sohasida korrupsiya xavfini aniqlash va institutsional yaxlitlikni o‘rnatish uchun munosib yechimlar muhokama qilindi.
