Миллий гвардия Жамоат хавфсизлиги университетида навбатдаги битирув кечаси бўлиб ўтди ва унда Магистрлик дипломлари ўз эгаларига танатанали равишда топширилди
2023/2024 ўқув йилида Жамоат хавфсизлиги университети магистратура босқичини 7 та мутахассислик бўйича Миллий гвардия ва Мудофаа, Ички ишлар, фавқулотда вазиятлар вазирликларидан жами 64 нафар тингловчи ва 2 нафар талаба битирди.
Ўқув йили давомида тингловчилар томонидан Жамоат хавфсизлигини таъминлашга қаратилган илмий-тадқиқот йўналишида бугунги кунда долзарб бўлган магистрлик диссертацияси мавзулари бўйича изланишлар олиб борилди. Тингловчиларнинг ҳар бирини камида 5 та илмий мақоласи, 5 та тезислари илмий-амалий республика ва хориж журналларида ва тўпламларида нашр этилди.
Машғулотлар асосан амалиёт билан боғлаган ҳолда олиб борилди. Хусусан, амалий машғулотлар республика Олий суди, Тошкент шаҳар ва туман судларида, республика прокуратурасида, ИИВ криминаластик полигонларида, Мудофаа вазирлигининг ҳарбий полигонларида, Миллий гвардия маркизий девони ва Тошкент шаҳар ва вилоят бошқармаларида, Миллий гвардия қўриқлаш бошқармасида соҳа мутахассислари билан ҳамкорликда ташкил этилди.
Сафда турган магистратура битирувчиларига ўтган давр мобайнида тажрибали профессор-ўқитувчилар томонидан мутахассисликлар бўйича замонавий моддий-техник база асосида таълим-тарбия берилди. Университетда таҳсил олиш жараёнида уларни юксак профессионал тайёргарликка, энг илғор инновацион билим ва кўникмаларга эга бўлишларига, хорижий тилларни ўрганишларига алоҳида аҳамият берилди. Натижада битирувчиларнинг ҳарбий ва ҳуқуқий билим ва кўникмалари юксалиш билан бирга, уларнинг қалбида янада ватанпарварлик, садоқат ва матонат туйғулари шаклланди.
Тантанали тадбирда Ўзбекистон Республикаси Миллий гардияси Қўмондони ўринбосари полковник Мамаюсупов Сарвар Дехқонович сўзга чиқиб, магистратура тингловчиларини Университет магистратурасини тамомлаганликлари, магистр деган шарафли номга сазовор бўлганликлари билан самимий муборакбод этди. Сўнгра ҳарбий оркестр садолари остида Ўзбекистон Республикасининг Давлат мадҳияси ижро этилди.
Шундан кейин битирувчиларга магистрлик дипломлари тантанали равишда топширилди.
Тантанали маросимда Ўзбекистон Республикаси Миллий гвардияси марказий девони, куч тузилмалари маъсул раҳбарлари, Университет профессор-ўқитувчилари ва магистратурани битирувчи тингловчилар сўзга чиқиб, битирувчиларни унутилмас байрам билан табриклашди.
Битирув кечасига таклиф этилган тингловчиларнинг оила аъзолари ва яқинлари кўзларида қувонч ва хурсандчилик тадбирни кузатиб боришди. Айниқса Миллий гвардия ашула ва рақс ансамбли хонандаларининг байрамона концерт дастури уларга жуда ҳам манзур бўлди.
Магистрлик дипломини олган ҳарбий хизматчи ва ходимлар энди маъсулиятли лавозимларда хизмат вазифаларини давом эттиришади.
